• B.E - C 9:00 - 18:00
  • Bakı, Azərbaycan

Axtarış formunu necə doldurmalıyam?

Avtoban.az- ın əsas səhifəsində Sizin rahatlığınız üçün sürətli Axtarış var. Bundan əlavə, əgər fikrinizdə xüsusi bir avtomobil varsa o zaman “Ətraflı Axtarış” bölümünə keçid edərək öz seçimlərinizə uyğun avtomobil tapa bilərsiniz.

Axtarış ayarlarından heç biri məcburi deyil. Siz, xüsusi model seçmədən belə ban tipi, rəngi, yerləşdiyi şəhər və ya rayona uyğun avtomobil tapa bilərsiniz.

Avtomobil elanını harada və necə yerləşdirə bilərəm?

Elanı avtoban.az saytında yerləşdirmək və prosesi kifayət qədər sürətləndirmək üçün avtomobilin qeydiyyat sənədini öz yanınızda saxlayın. Nəzərinizə çatdırırıq ki, elan (ödənişsiz) yerləşdirmək üçün mütləq saytda qeydiyyatdan keçməlisiniz.

Hansı elanları yerləşdirə bilərəm?

Avtoban.az saytında Siz aşağıda göstərilən nəqliyyat vasitələrinin elanını yerləşdirə bilərsiniz:

  • Avtomobillər
  • Motosikllər
  • Yük Avtomobilləri
  • Kommersiya Avtomobilləri

Yuxarıda qeyd edilən nəqliyyat vasitələrini Siz rahatlıqla saytımızda “Avtomobilini Sat” keçidi ilə elan yerləşdirərək sata bilərsiniz.

Qeydiyyat üçün ödəniş nə qədərdir?

Qeydiyyat ÖDƏNİŞSİZDİR. Saytdan axtarış üçün istifadə edirsinizsə qeydiyyata ehtiyac yoxdur amma Sizə təklif edilən vasitələrdən – elan yerləşdirmək, bəyəndiyiniz avtomobilləri yadda saxlamaq və s. tam olaraq yararlanmaq üçün Siz mütləq şəkildə qeydiyyatdan keçməlisiniz.

Dərc olunmuş elanı necə dəyişdirə bilərəm?

https://avtoban.az/ saytına keçid edərək istifadəçi adınız və şifrəniz vasitəsilə Şəxsi Kabinetinizə daxil olursunuz. Oradan “Mənim Elanlarım” bölümünü seçərək dəyişdirmək istədiyiniz elanın üzərinə mausun gostəricisini gətirirsiniz. “Dəyişdir” düyməsinin aktivləşdiyini görəcəksiniz. Üzərinə klikləyərək rahatlıqla elana düzəlişlər edə bilərsiniz.

Potensial müştəridən sorğu almışam. Nə etməli?

Əgər elan verərəkən telefon nömrənizi qeyd etmisinizsə o zaman müştərilər birbaşa olaraq Sizinlə telefon vasitəsilə əlaqə yaradacaqlar. Həmçinin, onlar bizim saytın təqdim etdiyi “Satıcı ilə Əlaqə” keçidindən istifadə edərək Sizə mesaj göndərə bilərlər. Bu halda Siz, avtoban.az saytından müştərinin adı və sorğunun mətnini mesaj şəklində alacaqsınız.

Qeyd: Elanlar fərdi qaydada fiziki və hüquqi şəxslər tərəfindən yerləşdirildiyindən məlumatların məzmununa və dəqiqliyinə görə avtoban.az saytı məsuliyyət daşımır. Buna baxmayaraq biz öz imkanlarımız daxilində belə neqativ halların qarşısını almağa daim çalışırıq.

Avtoban.az hansı internet brauzer ilə daha yaxşı çalışır?

Avtoban.az saytı bütün əsas brauzerlərdə test edilmişdir, lakin optimal performans üçün Internet Explorer 9, Firefox 35.0, Google Chrome 38.0 və Safari 8.0-dən yuxarı brauzer versiyasını istifadə etdiyinizdən əmin olun. Bundan əlavə, brauzerinizin təkmilləşdirilməsi, onlayn təhlükəsizliyinizin maksimum dərəcədə artırılması və rahat şəkildə internetdən istifadə deməkdir.